పరవళ్ళతో మొదలై
ఉరకలెత్తిన ప్రయాణం
పిల్లపాయలతో నిదానించి
నిండుగా సాగుతున్న వైనం
సుతిమెత్తటి మందలింపులు
ఘాటైన తాలింపులు
ముచ్చట్లు మురిపింపులు
ఎత్తుపల్లాలు నిత్యసత్యాలు
ఒడిలోనే వరదగుడి
ఉన్నదొక్కటే గుండెసడి
ఎద తడి కుమ్మరించుకుని
నిమ్మళించిన హృదయభారాలు
మనసులు విప్పి చెప్పుకోవాలా?
ఒప్పయిన మనసులొక్కటేగా..!
కృతకం కాని శృతిలో సాగే
ఏకీకృతమే కదా అర్ధనారీశ్వరం!!
No comments:
Post a Comment