Friday, May 10, 2019

#29


పరవళ్ళతో మొదలై
ఉరకలెత్తిన ప్రయాణం
పిల్లపాయలతో నిదానించి
నిండుగా సాగుతున్న వైనం

సుతిమెత్తటి మందలింపులు
ఘాటైన తాలింపులు
ముచ్చట్లు మురిపింపులు
ఎత్తుపల్లాలు నిత్యసత్యాలు

ఒడిలోనే వరదగుడి
ఉన్నదొక్కటే గుండెసడి
ఎద తడి కుమ్మరించుకుని
నిమ్మళించిన హృదయభారాలు

మనసులు విప్పి చెప్పుకోవాలా?
ఒప్పయిన మనసులొక్కటేగా..!
కృతకం కాని శృతిలో సాగే
ఏకీకృతమే కదా అర్ధనారీశ్వరం!!

Saturday, May 4, 2019

కోపాలూ రకాలూ

కోపాల్లో (వ్యక్త పరచటంలో) రకాలు.
దూషించటం
కొట్టడం
చేతిలో ఉన్నవి విసిరేయటం
అక్కడినుంచి వెళ్లిపోటం/మాట్లాడ్డం మానేయటం
వేరేవాళ్ళ మీద చూపించటం
పక్కకెళ్లి తిట్టుకోటం
వేరేవాళ్ళ దగ్గర వ్యక్తపరచటం/తిట్టడం
వేరేవాళ్ళ దగ్గర indirect గా చెడుగా చెప్పటం
లోపల దాచుకుని సమయం వచ్చినప్పుడు దెప్పటం
నిస్సహాయంగా లోపల్లోపల కుమిలిపోవటం
తమని తాము నిందించుకోటం

ఇంకే మన్నా ఉన్నాయా?