Thursday, September 13, 2018

ఎప్పుడూ నాతోనే ఉంటే నా తోడువి అవుతావనుకున్నాను..
నేను నీకు వేడుక అవుతాననుకోలేదు

నీడలా వెన్నంటివుంటే దన్నుగా ఉంటావనుకున్నాను
కన్నెర్ర చేస్తావనుకోలేదు

ఎప్పుడయినా చల్లగా చూడకపోతావా అని
మెల్లిమెల్లిగా కరిగిపోతూఉంటాను

ఏ తప్పూ జరగకుండా
నీనుండీ తప్పించుకుందామనుకున్నా

అక్కరకు రాని నిన్ను
లెక్కచేయకూడదనుకున్నా

నా జీవితంతో ఆడుకోవద్దని
వేడుకుంటూనే ఉన్నాను..

అయినా..
నువ్వేమి చేసినా నాకు నువ్వంటే గౌరవం..

నిన్ను మార్చేయాలి అనుకున్న ప్రతిసారీ
నువ్వే నన్ను నీకు అనుకూలంగా మార్చుకున్నావు

నువ్వే కష్టపెట్టావు..ఆ కష్టాన్ని ఎదుర్కునే
గుండె ధైర్యాన్నీ నాకు నువ్వే ఇచ్చావు

నిన్ను ఎదిరించి గెలిచాను.. నిన్ను ఓడించాను అనుకున్నాను
కానీ..నా గెలుపుకి కారణం కూడా నువ్వే అని తెలుసుకున్నాను

ఊహకు అందని మలుపులతో వింత ఆటలాడే
ఓ విధీ..నీకు వందనం.

No comments: