ఒక్కసారి..

పొగ చూరిన మనసుని తెరిచి చూడు
మసిపట్టిన ఆశలని తుడిచి చూడు
ఎండి చారికలయిన కోరికలని కడిగిచూడు
కరడుగట్టిన భావాలను కరిగించి చూడు
మూగవోయిన మమతని మాటాడించి చూడు
మోడుగా మారిన మేనిని తడిపి చూడు
బూజుపట్టిన బుద్ధిని దులిపి చూడు
నిట్టూర్పులయిన శ్వాసకి ఊపిరి పోసి చూడు
నిరాశతో మసకేసిన ఆశయాన్ని తరచి చూడు
నిర్వేద నీరద యవనికని తొలగించి చూడు
పూర్ణ చంద్రిక నీదేగా....నిండు జీవితం నీదేగా..