అస్పష్టం

నీకేమో నేను గుర్తొచ్చినప్పుడు మాత్రమే

నాకు మాత్రం నా గుర్తే నువ్వు..

చిరుజల్లుల సవ్వడివీ నీవే

జడివానపు అలజడివీ నువ్వే

సప్తతురగుడి వెచ్చని కిరణమూ నువ్వే

మృగధరుడి అమృత తరంగిణీ నువ్వే

సంధ్యాకాశపు కెంజాయా నువ్వే

నిశిరాతిరి జాగరమూ నువ్వే

ఊహల శిఖరపు అంచున నువ్వు

భావపు కెరటాలపై జాలువారే 

నీ ఛాయకై వెతుకుతూ నేను

కలల కుటీరపు మొగసాల నిలబడి

లోనికి తొంగి చూశాను..నీ కోసం