31 this year😊

ఎలా వచ్చామో అలాగే..

పిండంగా ప్రాణం పోసుకుంటాం

ప్రాణం పోయి పిండంగా మారుతాం!

దాగదు...

దాచాలని ఎంతగా అనుకున్నా ఏదో రకంగా వ్యక్తమవుతూ ప్రతిఫలిస్తూనే ఉంటుంది.. భావోద్వేగం!

వైజాగ్ వైనాలు - అసలెందుకు పుట్టాలి...పోవాలి

ఎంతైనా వయసైపోనీ, నిండు జీవితం అనుభవించనీ, ఆకస్మికమైనా, ముందే తెలిసినా, అనాయాసమైనా, నయం కాని జబ్బుతో అయినా..మరణం మరణమే..

అయినవాళ్ళనీ, చెయ్యాల్సిన పనులూ..చెప్పాల్సిన మాటలూ..అన్నీ ఎక్కడివక్కడే వదిలేసి చటుక్కున వెళ్లిపోవడం..

ఇంట్లోంచి..జీవితం నుంచీ ఒక మనిషి వెళ్లిపోయిన  ఆ ఖాళీ ఎప్పటికీ పూడనిది..ఆ లోటు ఎప్పటికీ తీరనిది.

Missing my father.

#lungcancer

వైజాగ్ వైనాలు - My mini garden in cradle

We got this wooden cradle from our ancestors for five generations. All of them, including me and my children, swung in it. I don't want to dismantle it out of sentiment. I thought it can be used as a show piece instead of lying in attic. I thought it would be appropriate to place some plants in it..After all both babies and plants..need our attention, care. And we have to nurture them alike. So this cradle will hold my plants until my grandchildren ..Sixth generation..will arrive and swing in it. 😊.

పూర్ణం

నీ నడక అటు నా నడక ఇటు

ఒకే దారిలో

నీ చూపు అటు నా చూపు ఇటు

కనే కల ఒకటే

నీ మాట నీది నా మాట నాది

భావం ఇద్దరిదీ

నువ్వక్కడ నేనిక్కడ

ఇద్దరి లోకం ఒకటే

నీ లెక్క నీది నా లెక్క నాది

వచ్చేది ఒకటే విలువ

నువ్వో సగం నేనో సగం

అయిందిగా పూర్ణం

#quarantine

ఆరోజు మా పెద్దబాబు పుట్టిన 7వ రోజు. మర్నాడు నాకు కుట్లు విప్పి ఇంటికి పంపిస్తారు. ఏడో రోజు పొద్దుటి నుంచీ నాకు జ్వరం, సాయంత్రానికి ఒంటిమీద అక్కడక్కడా బొబ్బల్లాంటి పొక్కులు కనిపించాయి. డాక్టర్ గారు రౌండ్స్ కి వచ్చినప్పుడు చూసి 'chicken pox,(ఆటలమ్మ/పొంగు) ఇక్కడ హాస్పిటల్ లో ఉండకూడదు, ఈ రూమ్ వెంటనే sterilize చెయ్యాలి, వెంటనే డిశ్చార్జ్ చేస్తాను' అని అప్పటికప్పుడు కుట్లు విప్పేశారు. నిమిషాల మీద ఖాళీ చేయించారు. 

నన్ను బాబు దగ్గర ఇంట్లో ఉంచద్దు, ఇంకెక్కడైనా పెట్టమన్నారు. నన్ను ఉంచటానికి హైదరాబాద్ లో ఉన్న అన్ని హాస్పిటల్స్ కీ ఫోన్ చేశారు.  అడ్మిట్ చేస్కోటానికి ఏ హాస్పిటల్ కూడా ఒప్పుకోలేదు. చివరికి Barkatpura, woodlands హాస్పిటల్ వాళ్ళు ఒప్పుకున్నారు, రూమ్ కి ఎక్కువ కడతాము అని ఒప్పందం మీద.

బాబు మా వాళ్ళింటికి, నేను హాస్పిటల్ కి.  రోజూ అమ్మ వచ్చి సాంబ్రాణి పొగ వేసేది. పక్క మీదకి వేపాకులు. 12 రోజులు అక్కడే ఉన్నాను. ఇంతాచేసి బాబుకి కూడా వచ్చిందిట. నేను ఇంటికి వచ్చిన తర్వాత చెప్పారు. కాకపోతే చాలా తక్కువగా..అక్కడక్కడా. వయసును బట్టి దాని తీవ్రత పెరుగుతుందని చెప్పారు.  నాకు తగ్గి ఇంటికి వచ్చాను..నా husband కి వచ్చేసింది.

ఇంతకీ నా సందేహం ఏమంటే మన పల్లెటూళ్ళు, చిన్న చిన్న ఊర్లల్లో  ఆటలమ్మ అంటే ఇంత హంగామా చేస్తారా అసలు? స్కూల్ మానిపిస్తారు, ఇంట్లోనే ..అంతగా అయితే వేరేగా ఉంచుతారు. అంతే..అనుకుంటున్నాను!?