ముద్దబంతి రేకలు

Sunday, October 20, 2024

సువర్ణకము

అర్ణవమై

వివర్ణమై

సంకీర్ణమై

పూర్ణమైన

మదిలోని భావములు

సుపర్ణుని రెక్కల ధాటికి పర్ణికలై

కీర్ణమైన వర్ణములైనవి కదా!

Thursday, October 17, 2024

బొమ్మలకొలువు 2024

బ్రతుకుని ఒక వేడుకగా జరుపుకొమ్మని చెప్పే 'బతుకమ్మ!'

బొమ్మలకొలువు, బతుకమ్మ పండుగ వైజాగ్ లో నాల్గవ సంవత్సరం..2024.

Wednesday, July 10, 2024

నేను కూడా రాయాలి కదా మరి!

కొన్ని 'అనివార్య కారణాల' వల్ల ఈరోజు కల్కి సినిమా చూడాల్సి వచ్చింది. హాలంతా కలిపి 20/30 మంది ఉన్నారు హాయిగా.. air pollution లేదు.

చెడ్డ పాత్రలని elevate చేసి, విలన్ లని మంచి వారుగా, వీరులుగా, హీరోలుగా చూపించి ఇతిహాసాలని తప్పుగా చిత్రీకరించడం అనే trend ఎప్పటినుంచో వస్తోంది..ముఖ్యంగా తెలుగు సినిమాల్లో. ఇది కూడా అంతే..అంతా కలి ప్రభావం కాబోలు!

ఇంత కంటే చెప్పేదేం లేదు ఈ సినిమా గురించి.

ఈ మధ్యే వచ్చిన జై హనుమాన్ పూర్తిగా ఫాంటసీ చిత్రం. అందులో విభీషణుడిని చూపించినా ఆ పాత్ర, character ఔచిత్యం దెబ్బతినకుండా హుందాగా చూపించారు. పెద్ద బడ్జెట్ సినిమా కాకపోయినా టెక్నికల్ గా కూడా బాగుంది.

కల్కి సినిమా కూడా పూర్తి ఫాంటసీ గా తీసివుంటే బాధ అనిపించేది కాదు.

అమితాబ్ బచ్చన్ గారి తెలుగు dubbing అందరికంటే బాగుంది.

విజయదేవరకొండ అర్జునుడుగా చక్కగా ఉన్నాడు.

మన ఇతిహాసాలని, అందులోని పాత్రలను ఉన్నవి ఉన్నట్టుగా, నిజాయితీగా చూపించగలిగే సినిమాలు వచ్చే

ఆ రేపటి కోసం...!

Monday, March 4, 2024

Real-state

2020 నుండీ 2023 వరకూ మా బాల్కనీ నుంచీ కనబడిన దృశ్యం...గత ఏడాది నుంచీ క్రమంగా మారుతూవస్తున్న చిత్రాలు.

'అయ్యో..క్రిందటేడాది వరకూ ఆ కొండ, సముద్రం ఎంత బాగా కనబడేవో కదా!' అని అసంతృప్తి.

మరి మా బిల్డింగ్ వెనకాల ఉన్న వాళ్ళు కూడా ఇలానే అనుకుని ఉండి ఉంటారు..'ఆ apartment రాకముందు ఆ కొండ, సముద్రం ఎంత బాగా కనబడేవో!'

ఎంతో కొంత చెట్టూ చేమా నష్టపోకుండా ఏ ఇల్లూ, ఏ భవంతీ లేవదు. అలాగే రోడ్లూ..

మనం అనుభవిస్తున్న ఇళ్ళూ, హైవేలూ, luxurious resorts, అందమైన hill stations, యాత్రా స్థలాలలో సౌకర్యాలూ అన్నీ ప్రకృతినీ, పర్యావరణాన్నీ నష్ట పరచి వచ్చినవే. లీటర్లు లీటర్లు పెట్రోల్ పోసుకుని, హైవే ల మీద షికార్లు చేస్తాం, ఇంకా విమానాల్లో విహరిస్తాం, అందమైన హిల్ స్టేషన్స్ లో vacations ని enjoy చెయ్యటానికి స్టార్ హోటల్స్ నుంచీ బడ్జెట్ హోటల్స్ లో ఉంటాం, యాత్రలకు వెళ్తాం..

ప్రకృతీ, పర్యావరణ నష్టాన్ని ప్రశ్నించే అర్హత హిమాలయాల్లో తపస్సు చేసుకునే సాధువులకీ, మారుమూల అడవుల్లో నివసించే అడవి బిడ్డలకీ మాత్రమే ఉంది.